Sigurjón Þórðarson skrifar.
Málflutningur Viðreisnar í auðlindamálum er holur, en flokkurinn boðar ítrekað endurbætur á sjávarútvegskerfinu þess á milli sem varaformaður flokksins geysist fram á völlinn og segir kvótakerfið hið besta heimi!
Í meðfylgjandi frétt kemur varformaðurinn miklu frekar fram eins og kostaður áhrifavaldur en vísindamaður sem byggir á efa og rökhyggju. Það þarf ekki mikinn sérfræðing til að sjá að Daði Már fer hér með miklar ýkjasögur um meint kraftaverk kvótakerfisins.
Flestir sem skoðuðu málið ættu að sjá það í hendi sér að rekja má minni olíueyðslu í sjávarútvegi til orkuskipta í fiskimjölsverksmiðjum, bættri tækni í þróun vélbúnaðar, betri skrúfum og veiðarfærum sem hefðu án efa orðið óháð umræddu kvótakerfi sem varaformaðurinn mærir.
Það er óumdeilt að frá því að kerfið sem Viðreisn mærir að þá hefur ekkert af upphaflegum markmiðum kerfisins náðst hvað varðar aukinn afla, byggðafestu og traust vinnu. Aflinn er helmingurinn af því sem hann var og sjávarbyggðirnar brotnar.
Það rekst hvað á annars horn í þessum málflutningi Viðreisnar.