Áfram heldur vitleysisumræðan
- að mati Brynjars Níelssonar alþingismanns. „Draga má þá ályktun að lítil tengsl séu milli tölvuleikja og raunveruleikans.“
Brynjar Níelsson, þingmaður Sjálfstæðisflokks, tjáir sig um umræðuna, sem honum þykir vitlaus.
„Heilbrigðiskerfið er ónýtt, ójöfnuður meiri en annars staðar og kjör launþega verri,“ skrifar hann.
„Spilling grasserar og einkarekstur og nýfrjálshyggja er allt að drepa. Þetta apar hver upp eftir öðrum, ekki síst þeir fjölmiðlar sem trúa því að þeir séu hlutlausari og óháðari en aðrir. Líka stjórnmálamenn sem eru illa haldnir af depurð og kvíða yfir heimsku kjósenda að gefa þeim ekki umboð til að búa til nýtt og betra Ísland. Og áfram heldur vitleysisumræðan þótt ítarlegar rannsóknir sýni að allar þessar fullyrðingar eru kolrangar.“
„Draga má þá ályktun að lítil tengsl séu milli tölvuleikja og raunveruleikans,“ er niðurstaða Brynjars.
