Afli íslenskra skipa árið 2013 var tæp 1.363 þúsund tonn sem er 86þ tonnum minni en árið 2012. Verðmætið nam tæpum 153 milljörðum og dróst saman um 4,1% frá fyrra ári. Stærsti hluti aflans var unninn á Austurlandi og var það mestmegnis uppsjávarafli.
Þetta og fleira kemur fram í ritinu Afli, aflaverðmæti og ráðstöfun afla 2013 sem Hagstofa Íslands hefur nú gefið út. Stærsti hluti botnfiskaflans var unninn á höfuðborgarsvæðinu, eða 29,4%, og á Suðurnesjum, 19,5%.
Verðmæti aukaafurða sem féllu til við vinnslu fiskaflans nam tæpum 5 milljörðum króna á árinu 2013 og jókst um 9,6% frá árinu áður. Verðmæti aukaafurða telst ekki með inni í heildaraflaverðmæti.
Mest er flutt út til Bretlands, eða um 16,3% af útflutningsverðmæti. Útflutningur til N-Ameríku jókst um 15,6% á milli ára. Útflutningsframleiðsla sjávarafurða jókst um 2,2% frá árinu 2012 ef reiknað er út frá föstu verði.
Sjá nánar af vef Hagstofunnar.
