Halldór Auðar Svansson skrifaði þetta:
„Ég styð kjarabaráttu lægst launaða fólksins EN ég ætla samt aðallega að leyfa mér að hneykslast á orðfærinu í kringum hana,” er ekki stuðningur við kjarabaráttu lægst launaða fólksins.
Að láta eitthvað orðfæri fólks stuða sig en nenna aldrei að spá í það sem liggur efnislega að baki orðfærinu, að slá það bara sjálfkrafa af borðinu sem markleysu, er að taka mjög harða afstöðu gegn viðkomandi fólki.
Þessi ofurfókus á orðfæri er í raun ákveðið stéttakerfi í sjálfu sér, þar sem það er fólkið sem hefur það fínt sem hefur mest efni á að sýna yfirvegun og hófstillingu í orðfæri. Spurningin „Af hverju eru þau ekki kurteisari?” er náskyld spurningunni „Af hverju borða þau ekki kökur?”