Björn Birgisson í Grindavík skrifaði:
**********
Gunnar Bragi Sveinsson.
Gunnar Bragi hegðaði sér eins og dólgur á Klausturbarnum forðum.
Sem betur fer var Bára á staðnum og náði upptöku af dólgshættinum.
Það kom sér vel fyrir Gunnar Braga vegna þess að hann lýsti því yfir að hefði farið í drykkju blackout og myndi ekkert eftir öllum orðaleppunum!
Öllum er hollt að muna og geta rifjað upp sögð orð og atferli sitt.
Blackout!
**********
Páll Magnússon.
Páll Magnússon hegðaði sér eins og dólgur í stúkunni þegar ÍBV tók á móti Fram í bikarkeppninni í knattspyrnu.
Sem betur fer var fólk á staðnum sem náði að festa sér í minni hina dólgslegu framkomu.
Það kom sér vel fyrir Pál Magnússon vegna þess að í blaðaviðtali lýsti hann því yfir að hann myndi ekkert sérstaklega vel eftir sínum orðaleppum – en gat þess í leiðinni að honum þætti bæði sjálfsagt og eðlilegt að hegða sér eins og dólgur á knattspyrnuleikjum – í því væri fólginn stuðningur við liðið sitt!
Blackout að eigin vali!
**********
Er nokkuð við hæfi að alþingismenn hegði sér svona?