Fólkið í landinu þarf ekki á blekkingum og upplýsingaóreiðu að halda.
„Fyrst fékk ég einhvers konar kjánahroll þegar forystumenn ríkisstjórnarinnar sögðu að aðgerðirnar sem þau kynntu í dag væru risastórar og stærsta einstaka efnahagsaðgerð allra tíma,“ skrifaði Oddný Harðardóttir, fyrrverandi fjármálaráðherra og þingmaður Samfylkingarinnar.
„Svo velti ég því fyrir mér hvers vegna þau vilja láta fólk trúa þessari vitleysu. Kannski svo fólk biðji ekki um meira? Kannski til að láta fólk halda að ríkisstjórnin sé betri en hún er? Sumar aðgerðirnar eru fínar fyrir suma en þær eru ekki nóg fyrir alla sem þurfa aðstoð. Og þær kosta ríkið tæpa 60 milljarða næstu þrjú árin uppsafnað. Það er eitthvað en ekki 230 milljarðar!
Ég hef fréttir að færa ríkisstjórninni: Fólkið í landinu þarf ekki á blekkingum og upplýsingaóreiðu að halda. Við blasir raunverulegur vandi og við þurfum alvöru lausnir fyrir fólk og fyrirtæki!“
