Aðgerðir ríkisstjórnarinnar til að bjarga andliti Katrínar Jakobsdóttur?

Sigurjón Þórðarson skrifar:

Snúast aðgerðir stjórnvalda nú fyrst og fremst að því að bjarga andliti Katrínar Jakobsdóttur?

Menn verða að horfast í augu við staðreyndir þ.e. að veirufræðideild Landspítalans er ekki að ná utan um skimunarverkefnið með þeim tækjabúnaði og mannskap sem er fyrir hendi.

Það er ljóst að ríkisstjórnin er búin að klúðra þessu samstarfi við Kára og að nýr tækjabúnaður veirudeilar LS, sem ræður við verkefnið verður í fyrsta lagi klár í nóvember nk. en þá á eftir að þjálfa mannskap. Hafa ber í huga að þegar ákveðið var að fara í skimun allra ferðamanna til landsins, þá var það gert á hlaupum og án nægs undirbúnings. Nú virðist sem kerfið sé fyrst og fremst á hlaupum við að bjarga andliti ríkisstjórnarinnar, með búnaði og mannskap sem ræður vart við verkefnið.

Áður en lengra er haldið þarf að taka til skoðunar hvort að þessi skimun sé til einhvers.

Frá því að landið var opnað er búið að skima 23.000 einstaklinga og jákvæðir hafa mælst 9 og þar af 2 sem voru neikvæðir við skimun en veiktust síðan þrátt fyrir að hafa mælst neikvæðir við skimun. Skynsamlegra kann að vera að loka á ákveðin svæði þar sem pestin geisar og einbeita sér að skimun Íslendinga og annarra við komu til landsins sem búa á landinu.

Á sama tíma og ríkisstjórn Katrínar Jakobsdóttur vandaði ekki grundvöll þeirrar sóttvarnarstefnu sem ákveðið var að reka, þá hefur fjármunum verið dælt út og suður m.a. í markaðsmál til að fá ferðamenn til landsins og svo í hina og þessi kynjuðuverkefni með hliðsjón af Covid pestinni.