Hann er skelfilegur fjármálaráðherra og ekki fær um að sinna starfinu. Hann hefur sýnt að hann getur illa rekið ríkið.
Atli Þór fanndal.
Atli Þór Fanndal:
Ég sé að bæði fjármálaráðherra og aðstoðarmaður fjármálaráðherra eru að halda því fram að Seðlabankinn einn beri ábyrgð á baráttunni gegn verðbólgu en svo segja þeir svona til að virka ekki eins og algjörir vitleysingar að auðvitað spili ríkisfjármálin stóran þátt. Þessar hugmyndir eru auðvitað algjör þvæla en ég nenni ekki að láta bjóða mér upp á að analýsera hvers vegna fjármálaráðherra og stóðin í kringum hann telur sig svo mikið yfirburðarfólk að þau séu þess verðug að stroka út næstum 100 ára consesus um að ríkisfjármálin skipti máli.
Aðalatriðið er einfaldlega að fjármálaráðherra er með þessum bjánayfirlýsingum einfaldlega að staðfesta það sem við höfum lengi vitað. Hann er skelfilegur fjármálaráðherra og ekki fær um að sinna starfinu. Hann hefur sýnt að hann getur illa rekið ríkið. Hann er ekki fær um að afla ríkinu stöðugra tekna (allt er einskiptishagnaður og hvalreki). Hann getur ekki selt eignir ríkisins slysalaust og getur ekki fjármagnað þau verkefni sem þingið og ríkisstjórn boðar. Nú telur hann það ekki hlutverk sitt að beita ríkisfjármálunum í baráttunni gegn verðbólgu. Það er bara eitthvað djobb fyrir Seðlabankastjóra. Til hvers ættum við að vera með fjármálaráðherra ef starfslýsingin hans nær ekki utan um nein verkefni?
Spurningin er sem sagt bara hvað telur þetta fólk að sé ástæða þess að þau vakna á morgnana og er skutlað í vinnuna? Trúa þau því að við séum að reka saman alla þessa innviði svo þau geti verið andstyggileg við fátækt fólk og gefið vinum sínum forskot í lífshlaupinu.
