Nú er lag að þjóðnýta stórfyrirtæki í sjávarútvegi.
Katrín Baldursdóttir skrifar:
Frakkar tilbúnir til að þjóðnýta stórfyrirtæki, Spánverjar ætla að þjóðnýta einkavædd innviðafyrirtæki og svipað hljóð er að heyra frá fleiri þjóðum. Skrýtið hvað það þykir sjálfsagt að þjóðnýta þegar fyrirtækin standa illa. Já bara með einu pennastriki. En að þjóðnýta arð af auðlindum og arðinn sem verður til af vinnu starfsfólks í þessum fyrirtækjum við venjulegar aðstæður, það má ekki. Þá eiga allir peningarnir að renna til fyrirtækjaeigenda og auðmanna.
Hugsið ykkur hvað við Íslendingar gætu farið vel út úr þessum hremmingum vegna veirunnar ef við fengjum arðinn af sameiginlegum auðlindum okkar. Arðinn sem við eigum rétt á, en rennur í stríðum straumum til milljarðamæringa. Hugsið ykkur ef við fengjum arðinn af sjávarauðlindinni sem skapar nú sífellt meiri arð vegna lækkunar krónunnar. Hugsið ykkur ef við fengjum arðinn yfirleitt. Hugsið ykkur hvað væri hægt að byggja upp gott samfélag fyrir alla, þannig að allir gætu lifað mannsæmandi lífi.
Nú er lag að þjóðnýta stórfyrirtæki í sjávarútvegi á Íslandi, þannig að allur arðurinn renni í sameiginlega sjóði landsmanna. Það er vel hægt að gera það eins og dæmin sanna. Okkur er talið trú um að það sé svo flókið. En það er bull. Það er hægt með einu pennastriki. Við viljum fá peningana okkar. Við eigum sjávarauðlindina saman.
The French government is prepared to use all means to support big companies suff…
