Gunnar Smári skrifaði:
Ríkisstjórninni er meira og minna stjórnað af spunameisturum. Í dag bjóða þau upp á að skipta Jóni út fyrir Gunnu, eins og segja má; senda karlráðherra heim og taka inn kvenráðherra í tilefni af 19. júní. Í dag eru 108 ár síðan Alþingi samþykkti að konur og eignalausir karlar fengju kosningarétt. Til að fagna því verður Guðrún Hafsteinsdóttir, einn af erfingjum Kjörís í Hveragerði og fyrrum forstjóri þess fyrirtæki, gerð að ráðherra.
Kannski hefði verið meira við hæfi að lyfta upp einhverri fátækri konu, jafnvel karli, því þetta er dagur hinna fátæku, kúguðu og réttlausu. Ekki dagur forréttindastéttanna, auðvalds eða valdastéttarinnar. Þetta er dagur til að minnast þess að forsenda lýðræðis er að allir fái að taka þátt og engum sé haldið niðri.
En ríkisstjórnin kann ekki betur.
