Guðrún Hafsteinsdóttir, þingkona Sjálfstæðisflokks, bíður enn eftir ráðherratólnum sem Bjarni hefur lofað henni. Ef orð Bjarna standa á það að gerast í næsta mánuði. Í mars. Guðrúnu gengur svona og svona í nýju starfi. Hún rann til í síðustu viku þegar hún var að fjalla um fjölgun opinberra starfsmanna. Þeim hefur fjölgað ört undir forystu Bjarna. Logi Einarsson skrifaði þetta:
Á ráðstefnu í tilefni þessarar sömu skýrslu, flutti sama ráðherraefni ræðu og sagði meðal annars: „Eins og ykkur er held ég flestum kunnugt, þá skipti ég um starfsvettvang fyrir um 18 mánuðum síðan. Og flest þekkið þið minn bakgrunn og því ætti ekki að koma ykkur á óvart að það versta við þessi nýju umskipti í mínu lífi, að þau voru að verða opinber starfsmaður. Þá vísa ég til þess að ég sé nú á framfæri annarra en sjálfrar mín …“ Fyrir utan þekkingarleysið og hrokann sem birtast í ummælunum er þetta býsna köld kveðja til alls þess opinbera starfsfólks sem vann í framlínustörfum fyrir örfáum misserum, þegar Covid-bylgjan lék landsmenn grátt, meðal annars til að verja hagkerfið.
Guðrún hefur ekki styrkt stöðu sína innan flokksins. Það hefur Jón Gunnarsson gert. Hann hefur náð að heilla Bjarna formann. Guðrún varla.
-sme