Vont er ef forysta launþega sýnir af ábyrgðarleysi. Á hvaða tíma sem er og hvernig sem stendur á. Slíkt má bara ekki gerast. Aldrei.
Því er mikilsvert að barist sé alltaf og á öllum tímum til að gera allt sem hægt er til að rétta hlut þess fólks sem fær svo léleg laun að þau duga hvergi fyrir helstu nauðsynjum. Svo ekki sé minnst á allt annað sem fólk langar að gera og dreymir um. Þar er af nógu að taka.
Það er með ólíkindum að sjá hvaða fólk er tilbúið að leggjast á árarnar til að róa gegn réttlætiskröfu þeirra lægstlaunuðustu. Því fleiri sem taka þátt í vörninni gegn sókn launafólks því meiri er þörfin á að að forysta láglaunafólksins víki hvergi frá sanngjörnum kröfum, sínu fólki til handa.
Leikurinn á eftir að harðna. Forysta bæjarstjóranna kemur fram sem ísköld eining. Hvergi virðist vera glufu að finna. Allur hópurinn á rætur í Valhöll þeirra Sjálfstæðismanna. Því harðari og óbilgjarnari sem Valhellingarnir verða því meira reynir á ábyrgð forystu launþega.
-sme
