Á Vísi má lesa:
„Varaformaður Þingvallanefndar segir að mistök hafi valdið því að nefndin skráði ekki niður huglægt mat um umsækjendur í ráðningaferli um stöðu þjóðgarðsvarðar. Það hafi ráðið því að jafnréttisnefnd úrskurðaði að Þingvallanefnd hefði brotið jafnréttislög og kærandi fær tuttugu milljóna króna bótagreiðslu. Öll nefndin beri ábyrgð í málinu.“
Það er Vilhjálmur Árnason sem þarna lýsir yfir ábyrgð. Hver er hún og hverju breytir hin pólitíska ábyrgð. Meirihluti Þingvallanefndar óð yfir málið á sinni pólitíski jarðýtu. Vilhjálmur segir meira og hann vill að minnihlutinn sæti líka ábyrgð?
„Það á við alla nefndina að hún gerði mistök þó að öll nefndin hafi ekki verið sammála um hvern átti að ráða heldur meirihlutinn þá á það við alla nefndina að engin skráði niður huglægt mat, þannig að allir bera ábyrgð,“ segir hann á Vísi.
En hver er þessi ábyrgð? Vilhjálmur var ekki spurður. Miðjan hefur sent spurningu til þingmannsins.
