Guðni Ölversson skrifar:
Sveitarfélagið Indre Östfold, segist hafa misst stjórnina á Covid-útbreiðslunni. Hópar fólks voru á djamminu víðs vegar á svæðinu þar sem smitið grasseraði. Sveitarstjórnin hefur grípur því til örþrifa ráða og lokar öllum almennum veitingastöðum og sett á algert samkomubann í eina viku.
Sem sagt. Maður veltir fyrir sér hvort þessi harða mótspyrna yfirvalda eigi eftir að breiðast út um stóran hluta konungsríkisins. Allir erlendir námsmenn sem koma til Noregs verða að hefja dvöl sína í sóttkví. Maður bíður bara eftir því að aftur verði lagt blátt bann við Svíþjóðartúrum aftur. Austfold liggur jú að landamærum Svíþjóðar og þar fara um tugir þúsunda Norðmanna á degi hverjum til að versla ódýrt í matinn og „billigt“ brennivín.