Vilhjálmur Birgisson skrifar:
Ég ítreka enn og aftur kröfu okkar í ASÍ til stjórnvalda að setja án tafar þak í neysluvísitölu á verðtryggðum húsnæðislánum heimilanna. Enda blasir við að verðbólguskot er hinum megin við hornið.
Ætla núverandi stjórnvöld að gera sömu stóru efnahagslegu mistökin sem allir voru sammála eftir hrun um að hafi verið gert sem var að hafa ekki tekið neysluvísitöluna úr sambandi.
Eru stjórnvöld að bíða eftir verðbólguskoti sem hugsanlega getur kostað heimilin tugi milljarða.
Ætla stjórnmálamenn ekkert að læra, en enn og aftur minni ég á að flestir stjórnmálamenn voru sammála að stærstu hagstjórnarmistökin í hruninu hafi verið að taka ekki neysluvísitöluna úr sambandi hvað verðtryggð húsnæðislán varða.
Ef ekki verður sett þak á neysluvísitöluna þá eru frasar um að við séum öll í sama liðinu í baráttu við COVED 19 marklaus með öllu!