Bjarni stendur keikur gegn einstaklingsfrelsinu og fyrir einokun þeirra stóru.
Sigurjón Þórðarson alþingismaður.
Bjarni Ben er fyrrverandi ráðherrann sem gaf út fyrir örfáum vikum síðan, hátt í 4 þús tonna veiðiheimildir til stórútgerðarinnar í fisktegund sem Hafró, hafði lagt til friðun á, þ.e. djúpkarfanum.
Sá sami Bjarni sér nú alla meinbugi á því að leyfa örlítið frelsi til strandveiða þrátt fyrir að það sé ekki nokkur lifandi leið að ofveiða fiskistofna með handfæraveiðum og að 72% þjóðarinnar styðji frelsið.
Bjarni stendur keikur gegn einstaklingsfrelsinu og fyrir einokun þeirra stóru.
Flest ef ekki allt bendir til þess að ráðamenn þjóðarinnar ættu miklu frekar að hvetja til aukinnar veiði á þorski en að letja sjómenn. Ekki þarf að líta til annars en að fyrir 100 árum síðan eða árið 1924, þá var þorskveðin liðlega 50% meiri en hún er í ár. Hafa ber í huga að í þá daga voru hvorki löggiltar vigtar í hverri höfn né njósnadrónar í háloftunum.
Það væri a.m.k. einnar messu virði fyrir Sjálfstæðismenn og jafnvel fleiri að fara yfir forsendur þeirra atvinnuhafta sem þeir vilja halda áfram að beita sjávarbyggðirnar.