En hvað myndu Bandaríkjamenn segja ef Joe hefði boðið Hitler, Benito Mussolini og Þórði, og hvað myndu allir meintir fasistar segja um þetta?
Davíð Oddsson.
Fyrir meira en hálfri öld stýrðu Davíð Oddsson, Þórarinn Eldjárn og Hrafn Gunnlaugsson vinsælum útvarpsþætti, Útvarp Matthildur“ nefndist hann. Þeir gagnrýndu samfélagið á skemmtilegan máta. Gervipersóna var í þáttunum sem þeir nefndu Þórð Breiðfjörð.
Ég rifja þetta upp hér vegna þess að í Reykjavíkurbréfi morgundagsins dregur Davíð Þórð þennan upp úr poka sínum og notar hann í viðleitni sinni til að slá til Kamölu Harris og Joe gamla Biden. Davíð er eðlilega í sigurvímu. Hans lið í BNA hafði sigur.
Davíð Oddsson skrifar:
„Gömlum starfsmönnum „RÚV“ þótti lakara að þau Kamala Harris og Joe Biden myndu ekki slá út sem síðasta og beittasta vopninu að Trump væri fyrir löngu orðinn Þórður Breiðfjörð. En Kamala og Joe voru spurð, hvort í sínu lagi, hvort þau hefðu eitthvað fyrir sér um að Donald Trump, sem var forseti Bandaríkjanna í fjögur ár, 2016 til 2020, væri „Hitler“. Bæði tvö, forseti Bandaríkjanna og varaforseti og tilvonandi forseti í umboði allra demókrata, kyngdu því og sögðu aðspurð að Donald Trump væri „fasisti“, og að hann væri Adolf Hitler og Benito Mussolini. Vísast höfðu þau tvö varla getað fengið af sér, eftir þessi ósköp öll, að svara hvort Trump væri ekki líka Þórður Breiðfjörð. Forsetaefnin tvö staðfestu allan þennan hrylling hvort í sínu lagi. En svo gerðist það, að sú frétt var sögð á fimmtudag að Joe Biden forseti Bandaríkjanna hefði hringt í Donald Trump „president elect“ og beðið hann vera svo vænan að heimsækja sig í Hvíta húsið, svo þeir gætu farið saman um framhaldið. En hvað myndu Bandaríkjamenn segja ef Joe hefði boðið Hitler, Benito Mussolini og Þórði, og hvað myndu allir meintir fasistar segja um þetta? Og það er ekki nema von, að almennir Bandaríkjamenn gætu brostið í grát, þegar Biden forseti opnaði Hvíta húsið fyrir Donald Trump, sem hann sagði hvað eftir annað í sömu viku að væri Hitler, einn mesti fjöldamorðingi veraldar. Að vísu gæti einhverjum brugðið, þegar þeir áttuðu sig á að Pol Pot, einræðisherra Kambódíu og einn fjöldamorðinginn til, væri ekki nefndur í þennan söfnuð.“
Þetta dugar í dag.
