„Mér finnst hins vegar blasa við að árin 2013-2016 hafi verið ár glataðra tækifæra.“
Oddný G. Harðardóttir.
„Ég er að hlusta á Sigmund Davíð tala um svakalega erfiða fjárhagsstöðu ríkissjóðs þegar hann tók við 2013 og að hann hafi unnið mikið afrek við að koma á hallalausum fjárlögum 2014 og ná niður verðbólgu,“ skrifar Oddný Harðardóttir, sem var ráðherra í Jóhönnustjórninni 2009 til 2013.
„Staðreyndin er sú að halli ríkissjóðs var samkvæmt fjárlögum 2013 um 3,6 milljarðar króna. Var 216 milljarðar árið 2009. Verðbólga var 18,6% í janúar 2009 en var komin í 3,3% þegar ríkisstjórn SDG tók við,“ skrifar Oddný og svo kom þetta:
„Mér finnst hins vegar blasa við að árin 2013-2016 hafi verið ár glataðra tækifæra þegar enn var slaki í hagkerfinu en möguleiki á uppbyggingu innviða ekki nýttur.
Og hann sagðist hafa hækkað barnabætur. Það er rangt. Hann hélt sömu krónutölu og í fjárlögum 2013. Semsagt raunlækkun.
Gat bara ekki orða bundist.“
Og hana nú.
(Fyrirsögnin er Miðjunnar.)
