„Fólk sem vinnur hjá hinu opinbera eins og þingmenn og er verndað í bak og fyrir hvað laun og réttindi varðar skal láta ógert að ráðast á atvinnufrelsi einstaklinga og fyrirtækja sem eru jú stjórnarskrárvarin réttindi.“
Vilhjálmur Birgsson.
„Fólk sem vinnur hjá hinu opinbera eins og þingmenn og er verndað í bak og fyrir hvað laun og réttindi varðar skal láta ógert að ráðast á atvinnufrelsi einstaklinga og fyrirtækja sem eru jú stjórnarskrárvarin réttindi.“
Það er mikilvægt fyrir alla kjósendur í Norðvesturkjördæmi og reyndar alla landsmenn sem eru hlynntir hvalveiðum og sjálfbærri nýtingu á sjávarauðlindinni að hlusta á viðtal í hádegisfréttum Bylgjunnar við Hönnu Katrínu Friðriksson þingflokksmann Viðreisnar.
En í í því viðtali fór alls ekki á milli mála að hún fann því allt til foráttu að gefið yrði út 5 ára leyfi til Hvals og hótaði m.a. í því viðtali að ef leyfið yrði gefið út myndi Viðreisn óska eftir að þingið yrði kallað saman,“ skrifar Vilhjálmur Birgisson, formaður Starfgreinasambansins og VLFA.
„Þær árásir sem sumir stjórnmálaflokkar ástunda…“
„Það er afar dapurt þegar stjórnmálamenn virðast ekki hafa skilning á því að engin atvinnustarfsemi getur þrifist nema hafa fyrirsjáanleika og leyfi til fimm ára er partur að því að hafa fyrirsjáanleika.
Það er gott fyrir okkur Akurnesinga, Vestlendinga og reyndar alla sem styðja hvalveiðar að fá svona skýra afstöðu frá stjórnamálaflokki um andstöðu við atvinnugrein sem skiptir gríðarlega miklu máli fyrir okkur,“ skrifar Vilhjálmur og heldur áfram:
„Þær árásir sem sumir stjórnmálaflokkar ástunda á lífsviðurværi sem mínir félagsmenn byggja afkomu sína á eru gjörsamlega óþolandi. En það liggur fyrir að mínir félagsmenn urðu fyrir allt að 400 milljóna tekjutapi vegna ólöglegrar ákvörðunar fyrrverandi matvælaráðherra um að fresta hvalveiðum fimm mínútum áður en vertíðin átti að hefjast árið 2023. Í heildina nemur fjárhagslegt tap allra sem byggðu afkomu sína á veiðum og vinnslu hvalaafurða það árið tæpum 800 milljónum. Er það fyrir utan tekjutap vegna afleiddra starfa og rétt er að geta þess að Akraneskaupstaður og nærsveitir urðu af á annað hundrað milljónum í töpuðum útsvarstekjum,“ skrifar Vilhjálmur af þunga og bætir við:
„Öllum árásum á atvinnuöryggi félagsmanna Verkalýðsfélags Akraness verður mætt af fullum þunga enda höfum við Akurnesingar þurft á liðnum árum og áratugum að þola mikil áföll í okkar atvinnumálum. Ég vil líka minna á að útflutningstekjur hvalaafurða árið 2022 námu 3,2 milljörðum og vandséð að íslensk þjóð hafi efni á því að fórna slíkum útflutningstekjum bara vegna pólitískra skoðana sem eru í anda Evrópusambandsins.
Fólk sem vinnur hjá hinu opinbera eins og þingmenn og er verndað í bak og fyrir hvað laun og réttindi varðar skal láta ógert að ráðast á atvinnufrelsi einstaklinga og fyrirtækja sem eru jú stjórnarskrárvarin réttindi.“
