Ég er með sparnaðartillögu fyrir ríkissjóð það er að ríkisfyrirtæki sem eru í eigu þjóðarinnar hætti að greiða iðgjöld til Viðskiptaráðs Íslands.
Vilhjálmur Birgisson.
Vilhjálmur Birgisson, formaður SGS og VLFA, skrifaði:
Sérhagsmuna „elítuklúbburinn“ sem ber heitið Viðskiptaráð Íslands hefur það númer eitt á sinni stefnuskrá að tala ætíð gegn hagsmunum launafólks og baráttu verkalýðshreyfingarinnar fyrir bættum lífskjörum launafólks og heimila.
Þetta er svo grátbroslegur klúbbur að það hálfa væri nóg en núna leggja þessir snillingar til í umsögn vegna fjárlaga að allur stuðningur stjórnvalda og sveitarfélaga til að liðka fyrir kjarasamningum frá því í vor verði dreginn til baka. Sem sagt 14 milljarða stuðningur í formi hækkunar á barnabótum og öðrum þáttum í tilfærslukerfum hins opinbera komi ekki til framkvæmda.
Ég er með sparnaðartillögu fyrir ríkissjóð það er að ríkisfyrirtæki sem eru í eigu þjóðarinnar hætti að greiða iðgjöld til Viðskiptaráðs Íslands en þessi opinberu fyrirtæki eru:
- • Betri samgöngur ohf.
- • Íslandspóstur
- • Landsbankinn
- • Landsnet
- • Landsvirkjun
- • Menntasjóður námsmanna
- • Rarik
