Fyrir ekki svo löngu síðan naut hún mikils persónufylgis. Það virðist að mestu uppurið. Fylgi hennar nú er rétt yfir tuttugu prósentum, sem er lítið. En hvers vegna?
Sigurjón Magnús Egilsson, ritstjóri Miðjunnar.
Leiðari Katrín Jakobsdóttir mældist með mest fylgi í síðustu könnun í vikunni sem leið. Í dag birtir Mogginn nýja könnun. Þar hafa nöfnurnar Halla Hrund og Halla T. skotist fram úr Katrínu. Þó litlu muni eykur þessi skoðanakönnun á spennuna. Baldur Þórhallsson er ekki langt undan konunum þremur.
Katrín Jakobsdóttir er sennilega að reka dýrustu kosningabaráttuna. Stuðningsfólki hinna frambjóðendanna þykir nóg um. Þau vita hvað kostar að auglýsa í sjónvörpum og blöðum. Nokkuð sem flestir aðrir frambjóðendur láta sig ekki dreyma um að geta gert. Hvaðan koma peningarnir, er spurt.
Katrín Jakobsdóttir er eðlilega sá frambjóðandi sem mest er horft til. Fyrir ekki svo löngu síðan naut hún mikils persónufylgis. Það virðist að mestu uppurið. Fylgi hennar nú er rétt yfir tuttugu prósentum, sem er lítið. En hvers vegna?
Kannski þarf ekki að leita lengi. Flokkurinn hennar, sem hún kveður í ömurlegri stöðu, er kominn undir strik. Fari sem horfir mun flokkurinn þurrkast út. Hugsanlega styrkist VG við brottför Katrínar. Það má ekki útiloka.
Síðustu daga hafa fyrrverandi þingmenn margra flokka skrifað lofgreinar um Katrínu og heitið henni stuðning. Ekki er nema von að fólki þykir samstöðu stjórnmálamanna. Eini forystumaður Sjálfstæðisflokksins sem hefur ekki lýst yfir stuðningi við Katrínu, sem ég held að rétt, sé er Geir H. Haarde.
Hversu margir fyrrverandi þingmenn og ráðherra hafa skipað sér í bakland Katrínar kann að hafa neikvæð áhrif fyrir hennar framboð. Alþingi hefur í áraraðir búið við mikið vantraust hjá þjóðinni. Því kann að virka öfugt þegar fyrrverandi hitt og þetta kappkosta við að lýsa stuðningi við Katrínu Jakobsdóttur.
Engum frambjóðenda yrði erfiðara að kyngja tapi í kosningunum en Katrínu Jakobsdóttur.
Nú er að bíða að sjá til hvaða örþrifa ráða Katrín og hennar fólk grípur.
-sme
