„Er hæstvirtur ráðherra og formaður Vinstri grænna, Guðmundur Ingi Guðbrandsson, sammála þessari nálgun?“
Jóhann Páll Jóhannsson.
Alþingi Jóhann Páll Jóhannsson Samfylkingu spurði Guðmund Inga Guðbrandsson, ráðherra og formann Vinstri grænna, varðandi fiskeldi þar sem gert er ráð fyrir að norskir eigendur fiskeldisfyrirtæki fái að vera með eldi í íslenskum fjörðum til eillífðarnóns. Jóhann Páll sagði:
„Fyrir Alþingi liggur nú frumvarp þar sem lagt er til að laxeldisfyrirtæki, sem eru að mestu í eigu norskra auðkýfinga, fái varanlegan afnotarétt, varanlegan aðgang að fjörðum Íslands, að gefin verði út ótímabundin rekstrarleyfi til sjókvíaeldis og að þeim leyfum sem þegar hafa verið gefin út með tímabundnum hætti verði úthlutað varanlega til sömu aðila endurgjaldslaust sem geta svo veðsett þau og framselt. Hér erum við að tala um frumvarp sem farið hefur um hendur þriggja ráðherra Vinstri grænna; Svandísar Svavarsdóttur, Katrínar Jakobsdóttur, og svo núverandi hæstvirtan ráðherra Bjarkeyjar Olsen Gunnarsdóttur sem flutti málið hér í þingsal í síðustu viku og hefur talað eindregið fyrir því að leyfin verði gefin út með þessum hætti, án tímabindingar. Er hæstvirtur ráðherra og formaður Vinstri grænna, Guðmundur Ingi Guðbrandsson, sammála þessari nálgun? Er hann hlynntur því að fyrirtækjum séu veitt varanleg yfirráð yfir sameiginlegum auðlindum okkar Íslendinga? Hvers vegna kemur málið inn á Alþingi í þessari mynd? Er þetta sérstakt áherslumál hjá hans flokki?“
Spurningu Jóhanns Páls að Vinstri græn vilja hafa leyfið með þessu hætti. Formaðurinn sagði:
Þetta er lögfræði…
„Varðandi ótímabundið leyfi þá hefur hæstvirtur ráðherra Bjarkey Olsen Gunnarsdóttir lýst því yfir að hún sé algerlega tilbúin til að skoða það með nefndinni að gera breytingar og kom það fram í viðtali við hana núna fyrir helgina. Hvers vegna kemur frumvarpið svona fram? Minn skilningur er sá að matvælaráðuneytið hafi við smíði frumvarpsins tekið fyrir sjónarmið um bæði tímabundin og ótímabundin leyfi. Það hafi komið til ítarlegrar skoðunar og sérstaklega í samhengi við möguleikann á því að geta beitt sem ströngustum viðurlögum við brotum á lögunum, þ.m.t. leyfissviptingu, og það sé auðveldara ef um ótímabundið leyfi er að ræða. Þetta er lögfræði og ráðuneytið ákvað að fara eftir þessum ráðleggingum en ég skil og deili áhyggjum háttvirts þingmanns og margra annarra þingmanna hér inni og hef verið fylgjandi því að við séum með tímabundið leyfi. Ég held því að það sé mjög mikilvægt að við skoðum það vandlega með það að markmiði að geta þá tryggt sömu umhverfiskröfur með tímabundnu leyfi eins og talið er að sé hægt að gera með ótímabundnu.“
Ljóst er að Guðmundur Ingi er í vanda. Hann segist í raun alltaf hafa verið andsnúinn því að hada leyfin ótímabundin.
