Nú hafa meira en 13.000 börn verið myrt

Sólveig Anna Jónsdóttir:

Ég fordæmi íslensk stjórnvöld fyrir að gera ekkert til að stöðva þjóðarmorðið sem framið er á fólkinu í Palestínu.

Sólveig Anna Jónsdóttir skrifaði:

Nú hafa meira en 13.000 börn verið myrt af ísraelskum stjórnvöldum á Gaza. Myrt af ísraelskum stjórnvöldum en með liðsinni, hvatningu og samþykki Bandaríkjanna og vesturveldanna. Á eftir Bandaríkjunum selur Þýskaland Ísrael mest af vopnum. Vopnum sem eru notuð til að jafna Gaza við jörðu, vopnum sem eru notuð til að myrða saklaus börn eins og stúlkurnar tvær á myndinni. Meira en 1000 börn hafa misst útlimi vegna þeirra mannkynssögulegu glæpa sem að nú eru framdir á saklausu fólki í Palestínu. Og meðan að hryllingurinn geisar þurfum við að horfa upp á það að maðurinn sem að vildi svo ólmur taka þátt í stríðsglæpum Ísraels að hann stöðvaði fjárframlög til UNRWA er gerður að forsætisráðherra landsins okkar.

Ég fordæmi íslensk stjórnvöld fyrir að gera ekkert til að stöðva þjóðarmorðið sem framið er á fólkinu í Palestínu. Ég fordæmi þau af öllu hjarta. Skömm þeirra mun vara að eilífu.

Vopnahlé strax. Frelsið Gaza. Megi stúlkurnar tvær á myndinni og öll börn Palestínu lifa frjáls undan morðum og ofbeldisverkum í sínu eigin fagra landi.