Atli Þór Fanndal:

Það er í raun rannsóknarefni hvað fær íhaldsfólk til að finnast svona gaurar sexí. Hann hélt áfram að nöldra yfir umfjöllun Kveiks.

Bjarni Benediktsson er bara með tvo gíra; froðufellandi og kyrrstöðu. Það er í raun rannsóknarefni hvað fær íhaldsfólk til að finnast svona gaurar sexí. Hann hélt áfram að nöldra yfir umfjöllun Kveiks.

Bjarni gjörsamlega fyrirlítur fjölmiðla. Það er orðið það eina sem kveikir í manninum að grafa undnan frjálsum fjölmiðlum og koma fram við fréttafólk eins og um sé að ræða slefandi fávita. Svona strongmenstæla, með áherslu á stæla, elska nefnilega Sjálfstæðismenn. Bjarni hefur líkt fjölmiðlum við tóma skel, finnst þeir alltof graðir í að segja neikvæðar fréttir, ítrekað talað niður til fréttamanna og raunar sleppir aldrei tækifæri til að grafa undan miðlum, það þurfti að setja lögbann á umfjöllun um hans fjármál, maðurinn mætir ekki í viðtöl án þess að skilyrði drottningaviðtala séu uppfyllt, er þekktur fyrir að útiloka jafnvel árum saman miðla sem honum er illa við, hefur sjaldan annað fram að færa en athugasemdir við orðaval, þvæla hugtökum eða skammast yfir að spurningar séu heimskulegar.

Já og gleymum ekki þegar hann í Kryddsíldinni forðum vildi meina að The Guardian væri alveg fáránlegur fjölmiðill í pólitík vegna þess að hann er í eigu sjálfseignastofnunar og sjóðs en ekki eingöngu góðra og gráðugra kalla. Það er djók að Sjálfstæðisflokkurinn sætti sig við svona karaktera í forustu flokksins árum saman.