Brot af vegaframkvæmdum er á Reykjavíkursvæðinu – Ráðherrann: „Það er er búið að gera helling“

Það er búið að framkvæma fyrir 14 milljarða á þessu tímabili, þegar menn segja að það sé ekkert búið að gera.

Sigurður Ingi Jóhannsson.

„Árið 2017 lagði ég fram fyrirspurn til samgönguráðherra þá, Jóns Gunnarssonar, um hvernig hægt væri að flokka nýframkvæmdir eftir kjördæmum. Þá kom í ljós að 17% af nýframkvæmdafé hafði verið varið hér á höfuðborgarsvæðinu. Ég endurtók þessa fyrirspurn mína til ráðherra 2022 og þá kemur í ljós að 15% af nýframkvæmdafé rennur til höfuðborgarsvæðisins. Tæplega 70% búa á þessu svæði. 63% búa á höfuðborgarsvæðinu, skilgreindu Suðvesturkjördæmi, en um 70% koma hingað daglega og sinna hér námi og vinnu,“ sagði Bryndís Haraldsdóttir á Alþingi í dag.

„Ég er auðvitað ekki að segja að 70% af nýframkvæmdafé eigi að renna til höfuðborgarsvæðisins. Ég átta mig á því að við búum í stóru landi og það er dýrt að halda uppi samgöngukerfi í landinu öllu. Þessar tölur eru engu að síður sláandi. Þess vegna fagnaði ég mjög þegar ég taldi að við værum að ná utan um verkefnið með samgöngusáttmálanum. Nú hefur komið í ljós að þær kostnaðaráætlanir sem lágu þar fyrir hafa farið langt upp fyrir, líklega hafa þær tvöfaldast. Því er eðlilegt að spyrja fyrir hönd þeirra sem hér á þessu svæði búa: Hver er framtíðarsýnin okkar? Hvenær náum við utan um þetta? Hvenær getum við farið að hefja framkvæmdir í samræmi við samgöngusáttmálann?“

Sigurður Ingi Jóhannsson:

Það tókst sem betur fer…

„Það er rétt sem kemur fram hjá þingmanninum að miðað við þær aðstæður sem hafa skapast á síðustu árum hefur ótrúlega lítill hluti farið til framkvæmda hér á þessu svæði, enda var gerður samningur 2011 milli sveitarfélaganna á höfuðborgarsvæðinu við ríkið um að í stað þess að fara í stofnframkvæmdir á þessu svæði til 10 ára, til ársins 2021, myndi ríkið setja sirka milljarð á ári til að styrkja almenningssamgöngur?

Það tókst sem betur fer að fá öll sveitarfélögin hérna á höfuðborgarsvæðinu ásamt ríkinu í sameiginlega sýn, sameiginlega sýn Vegagerðarinnar og sveitarfélaganna um það hvernig við ættum að byggja upp. Áætlunin var gerð til 15 ára, þetta var 2018, 2019. Það er búið að framkvæma fyrir 14 milljarða á þessu tímabili, þegar menn segja að það sé ekkert búið að gera. „Það er er búið að gera helling.“