Sigurjón Þórðarson:
Halldór Benjamín sat hringinn í kringum borðið sem stjórnarmaður í félagi seljanda og einn æðsti yfirmaður í félagi lífeyrissjóðanna Icalandair, sem festi kaup á félaginu á yfirverði.
Ríkisstjórnin skipaði starfshóp á vordögum til endurskipulagningar á lífeyrissjóðakerfi landsmanna, en í góðri grein fjallar Jóhannes Hraunfjörð Karlsson m.a. um tap og eftirlitsleysi með sjóðunum auk furðulegri skipan starfshópsins.
Í starfshópnum má tengja meirihluta fulltrúa við SA á meðan stærstu verkalýðsfélög landsins VR og Efling eru án fulltrúa.
Það er eftir öðru í samfélagi þar sem skattaskjólshrappur stýrir fjármálum þjóðarinnar að í nefnd um framtíð lífeyrissjóða íslensks launafólks sé settur Halldór Benjamín Þorbergsson, en hann tók brögðóttan snúning á lífeyrissjóðum í Lindarvatnsmálinu.
„Virði“ Lindarvatns hátt í fjórfaldaðist á nokkrum mánuðum, skömmu áður en félag sem að stórum hluta er í eigu lífeyrissjóðanna Icelandair Group, festi kaup á Lindarvatni, en Halldór Benjamín sat hringinn í kringum borðið sem stjórnarmaður í félagi seljanda og einn æðsti yfirmaður í félagi lífeyrissjóðanna Icalandair, sem festi kaup á félaginu á yfirverði.
Skipan starfshóps ríkisstjórnar Katrínar Jakobsdóttur og dýrkeypt reynslan ætti að kenna launafólki að búast má við hinu verstu tillögum frá starfshópnum.