Sigurjón Magnús Egilsson:
Leið endurreisnarinnar eru fundin. Svandís Svavarsdóttir er baráttukona. Hún hefur ekki langt að sækja það. Svandís undirbýr skot í viðkvæmustu taugar beggja hinna flokkanna.
Eitt er víst, staða ríkisstjórnarinnar mun veikjast. Hægri villikettir hafa látið ófriðlega. Rétt á meðan Bjarni spókaði sig ýmist á sandölum eða vindsænginni góðu. Bjarni er á heimleið eða kominn heim. Hann mun verja sinn flokk.
Framsókn er bara Framsókn. Lilja Alfreðsdóttir hefur þó sýnt að hún er á pólitísku lífi. Willum sýnir okkur að hann er sokkinn í leiðindaverkefni. Allt í kaldakoli sem fyrr. Sigurður Ingi og Ásmundur Einar virðast báðir utan þjónustusvæðis.
Þá eru það Vinstri græn. Þau ætla ekki að sökkva til botns. Leið endurreisnarinnar eru fundin. Svandís Svavarsdóttir er baráttukona. Hún hefur ekki langt að sækja það. Svandís undirbýr skot í viðkvæmustu taugar beggja hinna flokkanna. Breytingar á lögum um stjórn fiskveiða.
Stóra kvótafólkið mun berjast gegn breytingunum. Það munu flokkarnir tveir Sjálfstæðisflokkur og Framsókn gera líka. Allt mun verða gert til að stöðva áformin. Mikill meirihluti er á móti núverandi kerfi. Vinstri græn munu nýta sér það.
Ef svo fer að þetta sprengi ríkisstjórnina má gera ráð fyrir að Vinstri græn bæti sinn hlut verulega. Ekki er þar vanþörf á. Flokkurinn er illa farinn eftir samstarfið og ofríki Bjarna Benediktssonar.
Svandís Svavarsdóttir verður einskonar frelsishetja Vinstri grænna
