„Trúir Katrín því sjálf að sá sem hefur verið innsti koppur í búri þeirrar lögleysu sem átti sér stað skuli vera best fallinn til stjórna endurreisn á orðspori Íslandsbanka?“
Sigurjón Þórðarson varaþingmaður Flokks fólksins skrifar:
Katín Jakobsdóttir blessunin bregður ekki út af vana sínum í Íslandsbankamálinu og er skjót til svara um axarsköft félaga sinna í ríkisstjórninni. Eins og jafnan áður ber hún á borð kjánalegar réttlætingar sem gera ekki annað en að skaða hana sjálfa.
Það fer ekki á milli mála að sá sem ber megin ábyrgð á Íslandsbankalögleysunni er Bjarni Ben fjármálaráðherra en hann hefur haft félaga sína í bankasýslunni undir hendinni um áratugaskeið og flutt þá á milli ráðuneyta, eftir því hvaða ráðherrastól hann hefur vermt hverju sinni.
Aldrei minnist hún á hið augljósa þ.e. ábyrgð fjármálaráðherra sem seldi bankann.
Í fyrstu voru skilaboðin frá stjórnarráðinu að verið væri að læra af mistökunum og síðan átti að setja allan óskapnaðinn á Birnu Einarsdóttur bankastjóra og þegar það gekk ekki voru nokkrir stjórnendur taka pokann sinn og loksins nú vill Katrín slaufa bjalfunum í Bankasýslunni. Aldrei minnist hún á hið augljósa þ.e. ábyrgð fjármálaráðherra sem seldi bankann.
Aumkunarvert er að horfa upp á forsætisráðherra þjóðar sem nýstigin er upp úr hruni sem leiddi til þess að tugþúsundir fjölskyldna misstu heimili sín, lýsa því yfir að hún vilji gefa nýjum bankastjóra Íslandsbanka sem ráðinn var af vonlausri stjórn bankans að næturlagi, svigrúm til þess að vinna að endurbótum á starfsháttum bankans.
Trúir Katrín því sjálf að sá sem hefur verið innsti koppur í búri þeirrar lögleysu sem átti sér stað skuli vera best fallinn til stjórna endurreisn á orðspori Íslandsbanka?
Það getur vel verið en það á varla við um þá fjölmörgu sem sligast nú undan vaxtarokri og hvað þá alla þá sem misstu allt sitt í hruninu.
