Svandís Svavarsdóttir ætlar að mæta á borgarafund upp á Skaga.
Vilhjálmur Birgisson:
„Verkalýðsfélag Akraness vill minna á opinn fund í kvöld á Gamla kaupfélaginu, Kirkjubraut 11 vegna ákvörðunar matvælaráðherra um bann við hvalveiðum. Fundurinn hefst kl. 19:30 og er fólk eindregið hvatt til að mæta.
Matvælaráðherra hefur tilkynnt komu sína á fundinn sem og Stefán Vagn formaður atvinnumálanefndar ásamt nokkrum þingmönnum úr kjördæminu, en öllum þingmönnum kjördæmisins var boðið sérstaklega á fundinn sem og þingflokksformönnum allra stjórnmálaflokka á Alþingi.
Fundarstjóri verður Steinar Adolfsson, lögfræðingur og starfsmaður Akraneskaupstaðar.
Akurnesingar og nærsveitungar, fjölmennum á þennan mikilvæga fund þar sem gríðarlegir hagsmunir eru í húfi fyrir samfélagið.“
