Launahækkun til „æðstu“ embættismanna verður kynnt 1. júní. Eftir örfáa daga. Verum tilbúin.
Innan fárra daga verður okkur sagt hversu mikið laun „æðstu“ embættismanna hækka mikið. Fari eins og flest grunar má búast við að sjóði upp úr. Hér og þar. Það þarf ekki að hafa mörg orð um hvað verður. Ég ætla ekki að láta duga að bölva ofan í hálsmálið.
Nei, það verður kröftugra. Viss er ég um að fleira fólk hugsar eins. Ríkisstjórnin Íslands virðist vera í henglum. Neita ástandinu sem hér ríkir. Katrín forsætis talar í sífellu um hvað hefur verið gert. Getur ekki litið á stöðuna eins og hún er.
Nú, þegar hundruð fjölskyldna lifa í örvæntingu, verður allt vitlaust ef ráðherrar og aðrir hækka um eina krónu umfram 65 þúsund krónur sem var hámarkshækkun í síðustu kjarasamningum.
Því má segja að milli friðar og ófriðar er þunnur þráður. Víst má vera að fjöldi fólks bíður eftir rétta augnablikinu til að mótmæla ranglætinu af afli. Launahækkun til „æðstu“ embættismanna verður kynnt 1. júní. Eftir örfáa daga. Verum tilbúin.
-sme
