Aumar aðgerðir ríkisstjórnarinnar

Hall­dór Benja­mín Þor­bergs­son, fram­kvæmda­stjóri Sam­taka at­vinnu­lífs­ins, sagði að aðgerðirn­ar dugi skammt við nú­ver­andi vanda. „Hin lausn­in á vand­an­um sem teflt er fram eru síðan að okk­ar mati lítt ígrundaðar og illa tíma­sett­ar skatta­hækk­an­ir á borð við hækk­un tekju­skatts fyr­ir­tækja, auk annarra þátta svo sem lækk­un á end­ur­greiðslu vegna fram­kvæmda við bygg­ing­ar, breyt­inga á gjald­töku í ferðaþjón­ustu og óút­færða breyt­ingu á veiði- og fisk­eld­is­gjaldi,“ seg­ir Hall­dór Benjamín Þorbergsson í Mogganum í dag.

„Þrátt fyr­ir fög­ur fyr­ir­heit um aðhalds­sama fjár­mála­áætl­un þar sem stig­in verða stór skref í að koma bönd­um á óhóf­leg­an vöxt rík­is­út­gjalda eru efnd­irn­ar því miður litl­ar. Þær aðhaldsaðgerðir sem eru tí­undaðar hrökkva að okk­ar mati skammt sem viðbragð við þeirri áskor­un sem ís­lenskt efna­hags­líf stend­ur frammi fyr­ir,“ seg­ir Hall­dór en aðgerðirn­ar beri einnig með sér að vilj­ann skorti til þess að taka raun­veru­leg­ar ákv­arðanir um aðhald og bein­an niður­skurð í rík­is­rekstri.

Katrín Ólafsdóttir hagfræðingur sagði, á Morgunvaktinni, aðgerðirnar ekki duga og hafa komið á óvart hversu lítið á að gera. Hún telur að erfitt hafi verið að ná lendingu í ríkisstjórninni um alvöru aðgerðir.

Katrín sagði hækkun á verði rafbíla muni hægja á orkuskiptum. Og spurði hvort það sé það sem við viljum. „Það eru engar forsendur til að verðbólgan lækki á næstu mánuðum,“ sagði Katrín Ólafsdóttir.

Hall­dór Benjamín að aðgerðirn­ar beri einnig með sér að vilj­ann skorti til þess að taka raun­veru­leg­ar ákv­arðanir um aðhald og bein­an niður­skurð í rík­is­rekstri.