Sigurjón M. Egilsson:
Mig þyrstir í að vita hvort veikt fólk hafi jafnvel hætt að fara til sérfræðinga vegna þessa og eins, hvað við sem þurfum á þjónustu sérfræðinga að halda, höfum borgað mikið á þeim langa tíma sem ríki Katrínar hefur lagt allan kostnaðinn á veika fólkið.
„Minni greiðsluþátttöku sjúklinga,“ segir á einum stað í ræðu Katrínar Jakobsdóttur, sem hún flutti á landsfundi Vinstri grænna. Stenst þetta hjá forsætisráðherra? Nei, því miður. Kannski er þetta rétt hvað varðar heilsugæsluna. Alls ekki þegar fólk þarf að leita til sérfræðilækna. Við þá hefur ríkisstjórn Katrínar ekki samið svo reikningarnir sem sjúklingar þurfa að borga á þeim stðum eru svo háir að fráleitt er að allt fólki hafi hreinlega efni á að leita þangað. Þá breytir engu hvort heilsa fólk leyfi að sleppa að fara sérfræðilæknis. Þetta er smánarblettur á ríkisstjórn Katrínar.
Ég fór til sérfræðilæknis fyrir skömmu. Þetta var stutt heimsókn. Ég borgaði tæpar tíu þúsund krónur fyrir komuna. Í afgreiðslunni stóð á áberandi stað að vegna þess að samningar hafi ekki tekist yrðu sjúklingarnir að borga þess meira. Auglýsingin var dagsett um mitt síðasta ár.
Mig þyrstir í að vita hvort veikt fólk hafi jafnvel hætt að fara til sérfræðinga vegna þessa og eins, hvað við sem þurfum á þjónustu sérfræðinga að halda, höfum borgað mikið á þeim langa tíma sem ríki Katrínar hefur lagt allan kostnaðinn á veika fólkið. Þetta er smánarblettur á ríkisstjórn Katrínar og Bjarna Benediktsson sem er sá sem veldur þessari aumu stöðu.
