„Það væri gleðilegt ef forysta verkalýðshreyfingarinnar kæmi með skýr skilaboð til ríkisstjórnarinnar um að stokka upp tekjuskattskerfið í tengslum við kjarasamninga til langs tíma. Samtök atvinnulífsins ættu að leggjast á árarnar. Og þó ég sé ekki hrifinn af því að ríkið komi með beinum hætti að kjarasamningum mun ég munstra mig í áhöfnina sem berst fyrir betra, einfaldara og réttlátara tekjuskattskerfi,“ skrifar Óli Björn í Mogga dagsins.
Óli Björn er ekki maður útí bæ. Hann er þingflokksformaður Sjálfstæðisflokksins og hefur því öll tækifæri til að leggja til þær breytingar sem hann vill að fólk utan þingsins geri. Er hann kannski hræddur við forystu flokksins?
