„Hér er rétt að taka fram að sé litið til allra biðlista borgarinnar þá eru fleiri sem bíða eftir viðeigandi húsnæði.“
Sósíalistar í borgarstj´órn.
„895 manneskjur bíða eftir félagslegu leiguhúsnæði hjá borginni. Fjárhagsleg og félagsleg staða þeirra sem bíða hefur verið metin þannig að þau séu í þörf fyrir félagslegt húsnæði. Sé litið til meðalbiðtíma eftir félagslegu leiguhúsnæði má sjá að þörf er á breytingum,“ segir í bókun Sósíalistaflokksins.
„Fulltrúar Sósíalista óskuðu eftir umræðu um hvernig væri fyrirséð að mæta þessum fjölda. Fulltrúar meirihlutans telja enga þörf á að bregðast við og segja eðlilegt að það séu biðlistar eftir félagslegu húsnæði. Þau vilja halda áfram á sömu braut sem nú skilur 216 barnafjölskyldur eftir á biðlista eftir félagslegu leiguhúsnæði. Á meðan er beðið við ótryggar húsnæðisaðstæður. Hér er rétt að taka fram að sé litið til allra biðlista borgarinnar þá eru fleiri sem bíða eftir viðeigandi húsnæði.“
