Karl Garðarsson skrifar:
Á meðan skelfilegir stríðsglæpir eiga sér stað daglega í Úkraínu borga íslenskir skattgreiðendur fyrir sólarhringsgæslu sendiráðs Rússlands í Garðastrætinu til að koma í veg fyrir að sendiherra Rússlands verði ónáðaður.
Á meðan skelfilegir stríðsglæpir eiga sér stað daglega í Úkraínu borga íslenskir skattgreiðendur fyrir sólarhringsgæslu sendiráðs Rússlands í Garðastrætinu til að koma í veg fyrir að sendiherra Rússlands verði ónáðaður. Ástæðan er sú að stjórnvöld telja sig þurfa á „talsambandi“ að halda við sendiherrann. Það talsamband snýst aðallega um að boða hann upp á kontór öðru hverju þar sem undirsáti í utanríkisráðuneytinu biður sendiherrann að koma því á framfæri við yfirmenn sína að þeir skuli skammast sín. Nú eru tæpir 11 mánuðir frá því að innrásin hófst – enn situr rússenski sendiherrann sem fastast í boði íslenskra stjórnvalda á meðan hans fólk fyrirskipar morð á óbreyttum borgurum, börnum og gamalmennum. Hugleiðið það.
Myndin er frá voðaverkunum í Dnipro um helgina.
