Sigurjón Magnús:
Frekjan í Samtökum atvinnulífsins virðist ótakmörkuð. Að þessu sinni virðist fyrirstaðan vera meiri en venjan er. Efling vill og þarf að laga laun þeirra sem lægst hafa launin.
Hvaða rugl er þetta? Getur Halldór Benjamín ætlast til þess að Efling kvitti upp á samninga sem aðrir gerðu. Og formaður Eflingar sagði þá samninga ógóða. Heldur herrann í Borgartúni að afl hans sé slíkt að þetta gangi?
Sólveig Anna Jónsdóttir er baráttuglöð. Hún hefur áður farið í verkföll. Með fínasta árangri. Það sem meira er. Hún hræðist ekki viðsemjendur sínar og neitar að taka við tilskipunum frá þeim. Neitar að afsala Eflingu samningsréttinum.
Frekjan í Samtökum atvinnulífsins virðist ótakmörkuð. Að þessu sinni virðist fyrirstaðan vera meiri en venjan er. Efling vill og þarf að laga laun þeirra sem lægst hafa launin. Við vitum öll að það er ekki hægt að lifa eðlilegu lífi og vera á lægstu launum. Hlutverk Eflingar er stórt og mikið.
Fólkið í Eflingu hefur forystu sem hefur kjark til að berjast. Þeim verður að takast að hækka hin lágu laun. Ekki síst nú þar sem allt hækkar og hækkar. Engin miskunn þar. Sólveig Anna Jónsdóttir verður að standa í fæturna og berjast fyrir sitt fólk. Hún veit það og félagsfólkið gerir sér vonir um að geta létt á erfiðum rekstri heimilanna. Áfram Efling.
