Neyðarástandið er í boði stjórnvalda

„Það er þyngra en tár­um taki að sök­um van­fjár­mögn­un­ar og skorts á heil­brigðis­starfs­fólki hafi myndaðist grafal­var­legt ástand á bráðamót­töku Land­spít­al­ans um jól­in. Neyðarástandið sem þar myndaðist var dauðans al­vara og það er á ábyrgð stjórn­valda, því þau hafa vitað af ástand­inu á bráðamót­tök­unni ekki bara svo mánuðum skipt­ir, held­ur árum sam­an,“ segir Guðmundur Ingi Kristinsson í nýrri Moggagrein.

„Þá að sjúk­ling­ur sé send­ur heim og hann lát­ist þar nokkr­um klukku­stund­um síðar er grafal­var­legt mál sem átti aldrei að eiga sér stað. Heilsa og ör­yggi borg­ar­anna á að vera for­gangs­verk­efni stjórn­valda. Hvort sem þetta neyðarástand á bráðamót­tök­unni leiddi til and­láts manns­ins eða mann­leg mis­tök urðu þá er það grafal­var­legt mál sem verður að upp­lýsa og rann­saka til hlít­ar,“ skrifar þingmaðurinn.

„Fækkað hef­ur stór­lega í hópi lækna á bráðamót­töku Land­spít­ala og þá hafa upp­sagn­ir hjúkr­un­ar­fræðinga skipt tug­um og það þrátt fyr­ir ít­rekað ákall þeirra og lækn­anna um aðgerðir strax vegna ástands­ins.

Að starfs­fólk bráðamót­töku sinni meira en helm­ingi fleiri sjúk­ling­um en pláss er fyr­ir og verði þá að vinna og hlaupa tvisvar til þris­var sinn­um hraðar og brenna upp and­lega og lík­am­lega er óviðun­andi ástand og ávís­un á mis­tök. Það þýðir að ör­yggi sjúk­linga sé ógnað með ófyr­ir­sjá­an­leg­um af­leiðing­um. Það er ekki hægt að tryggja ör­yggi sjúk­linga við þess­ar aðstæður. Þá fara sam­skipti við sjúk­linga í sí­aukn­um mæli fram frammi á gangi fyr­ir fram­an aðra sjúk­linga og það um mjög viðkvæm mál­efni,“ skrifar Guðmundur Ingi.

Grein hans er í Mogganum í dag og er lengri en það sem birt er hér.