„Fulltrúi Flokks fólksins hefur áður tjáð sig um að ekki sé rétt að senda skuldir þeirra sem engan aurinn eiga í innheimtu lögfræðinga heldur ætti að fara mildari leiðir. Þeir sem eiga ekki krónu eiga hana ekki frekar þótt skuldin sé send til innheimtufyrirtækis,“ segir Kolbrún Baldursdóttir Flokki fólksins vegna áforma um að færa Landsbankanum innheimtu á vanskilum í eigu borgarinnar.
„Verið er að gera nýjan samning við innheimtufyrirtæki. Innkauparáð Reykjavíkurborgar samþykkti á fundi sínum þann 10. nóvember sl. að semja við lægstbjóðanda, Landsbankann. Fulltrúi Flokks fólksins vonar að allt hafi verið gert rétt í þessu útboði svo ekki komi bakreikningur vegna útboðsmistaka.“
