„Erindi mitt hingað í pontu er að vekja athygli á þeirri staðreynd að hluti þeirra fjármuna sem Íslendingar veita vegna stríðsins í Úkraínu er tekinn af fé sem veitt er í þróunarsamvinnu. Ég vona að allir þingmenn hér inni átti sig á þessu og beiti sér fyrir því, við afgreiðslu fjáraukalaga yfirstandandi árs og fjárlaga næsta árs, að tryggja að það verði ekki niðurstaðan að við skerum niður fé til þróunarsamvinnu, sem við erum eftirbátar nágrannaþjóðanna með, til að veita sjálfsagðan stuðning við úkraínsku þjóðina. Það væri mjög mikil skömm og skammsýni af íslenska þinginu,“ sagði Logi Einarsson þingflokksformaður Samfylkingarinnar.
- Advertisement -
