Ráðherra lofar vegakerfið – segir það aldrei hafa verið betra
„Umræða síðustu ára hefur snúist um hvað það eru gríðarlega miklar framkvæmdir í gangi en hvað verkefnið er stórt. Það er allt annað mál og auðvitað er hægt að finna einstaka vegi sem ekki eru nægilega góðir en það er gríðarleg framför sem við höfum náð á síðustu árum, enda höfum við verið að setja í það verulega fjármuni. Ríkisstjórnin ákvað að setja hér sérstakt fjárfestingarátak í gang, sem er akkúrat það sem hv. þingmaður var að tala um, að þegar kreppti að og þegar það virtist þurfa innspýtingu settum við umtalsverða fjármuni einmitt í vegagerð og uppbyggingu og fjárfestingar í samgöngum vegna þess að þar áttum við til undirbyggðar og rannsakaðar áætlanir um uppbyggingu, bara tilbúnar, og þurfum alltaf að eiga slíkt til,“ sagði Sigurður Ingi Jóhannsson ráðherra innviða, þegar hann svaraði Högna Elfari Guðnasyni, varaþingmanni úr Miðflokki.
„Háttvirtur þingmaður nefndi líka að kostnaður bíleigenda væri mjög hár og færi vaxandi. Það er alrangt. Hann var miklu hærri á fyrstu átta árum þessarar aldar en hann hefur verið síðastliðin tíu ár, því að hann hefur farið lækkandi, m.a. vegna þess að hér er fullt af nýorkubílum. En hæstvirtur ráðherra (sem er hann sjálfur) mun að sjálfsögðu beita sér fyrir uppbyggingu á tengivegum og á þeim vegum sem þurfa á verulegu viðhaldi að halda.“
-sme
