…það kemur frumvarp en þá hafði ég þurft að bregða mér frá…,
„Vinnan við þetta hófst í tíð ríkisstjórnar áranna 2013–2016 af hálfu dómsmálaráðherra, sem þá hét innanríkisráðherra, Sjálfstæðisflokksins sem tók upp á því af einhverjum óskiljanlegum ástæðum að fela stjórnarandstöðu þess tíma að semja málið, þ.e. formaður nefndarinnar kom úr stjórnarandstöðunni og meiri hluti nefndarinnar var skipaður stjórnarandstöðuþingmönnum,“ sagði Sigmundur Davíð Gunnlaugsson, í þingumræðu um útlendinga í lok síðasta mánaðar. Þá var fjallað um samræmda móttöku flóttafólks.
Hanna Birna Kristjánsdóttir var innanríkisráðherra í fyrstu og Ólöf Nordal tók við af henni.
„Það þurfti ekki að taka þetta mál fyrir í ríkisstjórn vegna þess að þetta voru ekki lög, þetta var ekki lagafrumvarp. Þessi ráðherra Sjálfstæðisflokksins ákvað einfaldlega að útvista málinu til stjórnarandstöðunnar. Ég setti út á þetta ítrekað á ríkisstjórnarfundum og eftir ríkisstjórnarfundi og taldi þetta ekki gæfulegt en fékk þá í hvert sinn að heyra að ég ætti að bíða og sjá hvað kæmi út úr þessu,“ sagði hann.
„Í hvert sinn svaraði ég því til að ég hefði enga trú á að þetta myndi skila vænlegu frumvarpi og ef frumvarpið yrði óásættanlegt þá færi það ekki í gegnum ríkisstjórn. Svo er unnið í þessu áfram og það kemur frumvarp en þá hafði ég þurft að bregða mér frá, herra forseti, og það mátti ekki líta af þessu frekar en öðru því að frumvarpið fól í sér meingölluð lög um útlendinga. En það rann í gegnum ríkisstjórn þegar enginn var til að vakta þetta og hér í gegnum þingið án þess að ég hafi stutt það.“
Hér má lesa alla ræðu Sigmundar Davíðs.
