Aron Einar Gunnarsson, fyrrum fyrirliði íslenskra karlalandsliðsins í fótbolta, og Kristbjörg Jónasdóttir, athafnakona og eiginkona hans, hafa opnað snyrtivöruverslun á Suðurlandsbrautinni í Reykjavík.
„Eftir þrjú ár og ótrúlegar sveiflur, meðal annars vegna heimsfaraldurs COVID, töldum við hjónin að það væri kominn tími til að snúa vörn í sókn,“ segja Aron og Kristbjörg í tilkynningu þess efnis að verslunina var opnuð en þar fást húðvörurnar AK Pure Skin sem er vörumerki þeirra hjóna.
Í tilkyningunni segir jafnframt að þau hafi lagt hart að sér að þróa og framleiða vörur fyrir viðskiptavini sína en vörurnar séu einnig þeirra drauma húðvörur. Aron og Kristbjörg hafi fundið fyrir áhuga á persónulegri þjónustu og því hafi þau ákveðið að stíga það skref að opna verslun.
Verslunin er staðsett á Suðurlandsbraut 10.