Sjónvarpsstjarnann Gísli Marteinn Baldursson, fyrrum borgarfullt´rúi Sjálfstæðisflokksins, hjólar í sinn gamla flokk og málar hann ansi óumhverfisvænan.
Það gerir Gísli Marteinn á Twitter þar sem hann tekur saman sinn eigin samanburð á stefnu flokkanna í samgöngumálum:
„Um „málefnalegan samhljóm“:
Borgarlína: XS, XB, XP, XC sammála. XD ósammála.
Minni og hægari bílaumferð: XS, XB, XP, XC sammála. XD ósammála (greiddu atkv gegn hraðalækkunum).
Þétting byggðar: XS, XB, XP, XC sammála. XD ósammála (vill úthluta lóðum á Kjalarnesi.),“ segir Gísli Marteinn.
Lesandi Gísla Marteins bendur honum hins vegar á að Einar Þorsteinsson, oddviti Framsóknarflokksins, hafi talað fyrir stækkaðri byggð á Kjalarnesi. Sjónvarpsmaðurinn geðþekki tekur ´ábendingunni hins vegar fagnandi.
„Haha, ég hafði ekki séð þetta en hafði hinsvegar heyrt hann tala um þéttingu byggðar og að hann vildi úthluta lóðum í úlfarsfelli og Keldum. Það er galið að auka byggð á Kjalarnesi og mjög dýrt. En ok, kannski meiri samhljómur með XD þar en eg hélt. En hræðilegur samhljómur. Miklu fleiri borgarbúar vilja Borgarlínu en vilja hana ekki. Flokkarnir sem styðja hana bættu við sig, þeir sem voru á móti henni töpuðu.“