Það er Gunnar Smári Egilsson, forsprakki Sósíalistaflokksins, sem birtir mynd dagsins. Á henni má sjá Bjarna Benediktsson, fjármálaráðherra og formann Sjálfstæðisflokksins, í frí á Ítalíu, nánar tiltekið á Sikiley þar sem ítalska mafían á djúpar rætur.
Við myndina ritar Gunnar Smári eftirfarandi texta:
„Meðan reiðialda gekk yfir samfélagið vegna Íslandsbankasölunnar og grasrót Sjálfstæðisflokksins þurfti að svara fyrir spillingu flokksins og formanns hans í fermingarveislum og öðrum fjölskylduboðum, sat formaðurinn í góðu veðri í Taormina á Sikiley … of all places, eins og sagt er. Okkur er ókunnugt um hvort Bjarni var þarna á helgarnámskeiði hjá Cosa Nostra, sikileysku mafíunni, en hún á sér djúpar rætur í Taormina. Þar voru t.d. eftirminnilegar senur í Guðföðurnum II teknar upp. Þegar Bjarni sneri aftur heim var fylgi flokksins hrunið á landsvísu og í borginni, almenningurinn búinn að missa traust á Bjarna sjálfum og stefndi í sögulegt tap Sjálfstæðisflokksins í borgar- og sveitarstjórnarkosningum. Bjarni baulaði í nokkrum viðtölum en hefur síðan haldið sig til hlés til að valda flokki sínum ekki meiri skaða.“