Gríndvíkingurinn Björn Birgisson hvetur alla þá sem annt eru um mannorð sitt að koma ekki nálægt Framsóknarflokknum. Björn er óhætt að kalla samfélagsrýni en hvassir þjóðfélagspistlar hans rata oft í fréttir fjölmiðla. Nýjasti pistill hans snýr að brottvikningu oddvita flokksins í Árborg, Helga Sigurðar Haraldssonar.
Helgi, sem er forseti bæjarsttjórnar, hefur sagt skilið við flokkinn eftir tólf ár í oddvitasætinu og segir hann að sér hafi verið hent úr flokknum því hann þætti ekki lengur vænleg söluvara fyrir kosningar. Betra væri að skipta honum út fyrir yngra og ferskara fólk í Framsóknarflokknum.
Björn bendir á að Helgi sér nú að feta sömu slóð og forseti bæjartjórnar heimabæjar síns sem sagði sig einnig úr flokknum vegna höfnunar fyrir sveitarstjórnarkosninganna. Björn spyr:
„Er ekki bara best að forðast Framsókn og forðast að fá hnífasett flokksins í bakið? Nótt hinna löngu hnífa og Framsókn stingur oddvita sína hiklaust í bakið að undangengnum lúalegum aðförum og aðdróttunum sem standast engan veginn. Fyrir skömmu var oddviti flokksins í Grindavík höggvinn með pólitískri fallöxi miðjumoðsins og nú fer oddvitinn í Árborg sömu leið.Þeim sem annt er um mannorð sitt er eindregið ráðlagt að koma ekki nálægt þessum flokki.“