Vinstri græn er ómerkilegt stjórnmálaafl

Vigfús Ásbjörnsson skrifar:

Síðan hefur ekkert spurst til Bjarna, enginn heyrt hann tala né koma fram. Þeir sem vita um ferðir Bjarna eru beðnir um að láta vita inni á strandveiðifélaginu.

Strandveiðimenn lýsa hér með eftir miðaldra hvítum karlmanni Bjarna Jónssyni sem komst inn á alþingi Íslendinga vegna kosningaloforða og stefnu Vinstri Grænna .Bjarni Jónsson er meðal maður á hæð, örlítið farinn að grána. Talinn prýðis maður og maður orða sinna. Bjarni sást síðast á Norðvesturlandi fyrir síðustu alþingiskosningar. Þar fór Bjarni um kjördæmið með látum svo eftir var tekið lofandi því að Vinstri Græn myndu tryggja strandveiðimönnum 48 daga strandveiðikerfi kæmust þeir í ríkisstjórn og með því að greiða sér atkvæði væri verið að greiða atkvæði með mannréttindum, almannahag og eflingu strandveiða. Síðan hefur ekkert spurst til Bjarna, enginn heyrt hann tala né koma fram. Þeir sem vita um ferðir Bjarna eru beðnir um að láta vita inni á strandveiðifélaginu.

 Gæti það verið svo að Svandís Svavarsdóttir sé svo mikið í nöp við miðaldra hvíta karlmenn að hún hafi falið Bjarna frá umheiminum, kannski stungið honum ofan í gleraugnaboxið sitt þar sem hún geymir femínsku kynjagleraugun sín? Hatar kannski sjávarútvegsráðherra karla eða snýst hatur sjávarútvegsráðherra á strandveiðum og valdníðsla hennar gagnvart strandveiðimönnum kannski bara um það að á strandveiðum eru mikið af miðaldra hvítum körlum? Er Svandís kannski að misnota embætti sitt og stöðu sem sjávarútvegsráðherra til að níðast á miðaldra hvítum körlum? Beita strandveiðimenn kynjabundnu ofbeldi og láta það bitna á almannahagsmunum, mannréttindum og þjóðarhag í staðinn? Maður spyr sig!

Hún allavega svíkur þjóðina,  Bjarna og Lilju og stefnu VG og hvað liggur þar eiginlega að baki? Vonandi ekki kynjabundið ofbeldi gagnvart strandveiðimönnum og hatur á miðaldra karlmönnum. Kynjabundið ofbeldi er ljótt hvort sem það sé framið af konu eða karlmanni. Vinstri hreyfingin grænt framboð er búin að afhjúpa sig sem eitt ómerkilegasta stjórnmálaafl sem komið hefur fram á sjónarsviðið á Íslandi frá upphafi og forsvarsmenn þess líka. Þau þola ekki einu sinni að heyra sannleikann um sjálfan sig því ég get staðfest það að VG með sínum fasísku tilburðum hefur útilokað mig frá Facebook síðu hreyfingarinnar þar sem ég hef kommentað þrisvar sinnum og farið yfir sannleika hreyfingarinnar og vonast eftir umræðum frá þeim. Nei, þau vita að allt sem ég hef sagt um þau er heilagur sannleikur og þau vilja frekar reyna að fela hann en  að rengja hann því þau eiga engan málstað fyrir svikum sínum við þjóðina. Reyndar held ég að sjávarútvegsráðherra sé einnig búin að útiloka mig frá sinni eigin pólitísku síðu svo hún geti haldið áfram að gaslýsa þjóðina án þess að ég sé að skipta mér af hennar vegferð í því. Sannleikanum er hver sár reiðastur. Pútín er víða í íslenskum stjórnmálum en hvar er Bjarni Jónsson? Vinsamlegast dreifið svo við finnum Bjarna Jónsson það eru miklir almannahagsmunir undir, þjóðin þarf á honum að halda, mannréttindi okkar og búsetuskilyrði!