Vigfús Ásbjörnsson, formaður Hrollaugs, skrifar:
„Atvinnu sem þetta þjóðfélag byggði á um aldir en hefur verið hrifsuð frá okkur og með því lagt heilu byggðarlögin í rúst og afkomu þúsunda fjölskyldna og byggðarlaga.“
Sælir félagar, hvet ykkur til þess að setjast við tölvurnar og senda sjávarútvegsráðherra tölvupóst, hver og einn og lýsa áhyggjum ykkar á framferði stjórnvalda í málum trillusjómanna og hvernig sífellt er valtað yfir okkur hér á landi og fjölskyldur okkar.
Það sem við höfum verið að biðja um er sanngjörn krafa um mannsæmandi tækifæri til þess að stunda hér trilluútgerðir allt í kringum landið og skapa hér um leið dreifða atvinnu allt í kringum landið okkur öllum og samfélaginu til heilla.
Krafa sem ætti að vera auðfengin ef það væri almannahagur sem ræður ríkjum hjá þeim sem hér fara með valdið. Atvinnu sem þetta þjóðfélag byggði á um aldir en hefur verið hrifsuð frá okkur og með því lagt heilu byggðarlögin í rúst og afkomu þúsunda fjölskyldna og byggðarlaga.
Við erum fiskveiðiþjóð og tækifærin fyrir íbúa slíkrar þjóðar liggja rétt fyrir utan hafnarkjaftinn í þorpum okkar allt í kringum landið og á meðan liggja bátar okkar bundnir við bryggju. Við sem trillusjómenn þurfum að geta staðið undir okkur og fjölskyldum okkar og skerðingar á því sem ekki var nóg til þess eru ekki sanngjarnar. Minnsta mögulega sanngjarna tækifæri fyrir okkur er að fá að veiða okkar 48 daga ár hvert. Annað er bara valdníðsla á fólkinu í landinu.
Á meðan traðkað er á okkur hefur alltaf allt virst auðfengið fyrir stórútgerðina hér á landi. Sama hvað er, meiri segja líka að þurfa ekki að fara að lögum. Þetta er einfaldlega ekki fólkinu í landinu bjóðandi. Fólkið í landinu á betra skilið en þetta. Við þurfum samfélagsbreytingar hér á landi til að gera íslenskan sjávarútveg sanngjarnan fyrir fólkið í landinu svo það fái að njóta sanngjarns aðgengis í fiskveiðiauðlind okkar sem við jú sannarlega eigum saman. Samfélagsbreytingar nást ekki nema að við berjumst fyrir þeim. Bið ykkur um að vera málefnalega í skrifum ykkar til ráðherra og tala frá hjartanu. Endilega setjið fleiri þingmenn í cc í póstinum svo hann fari víða. Póstfangið hennar er svandiss@althingi.is