„Ég treysti mér ekki til að setja tölu á bak við það en það er ljóst að með því að stofna nýtt ráðuneyti, fleiri en eitt, þá mun verða kostnaður og hann getur hlaupið á hundruðum milljóna þegar upp er safnað fyrir fleiri en eitt ráðuneyti,“ sagði fjármálaráðherrann Bjarni Benediktsson á Alþingi þegar hann gat ekki svarað spurningum Sigmundar Davíðs Gunnlaugssonar um hvað mun kosta að stokka svo mikið upp í ráðuneytum og raun verður á.
Sigmundur Davíð spurði aðeins: „Hver verður kostnaðurinn við þær breytingar á ráðuneytum sem áformaðar eru og eru að einhverju leyti komnar til framkvæmda með skipan ráðherra án þess að embættismenn og stjórnkerfið hafi að öðru leyti færst til á sama hátt? Hver verður kostnaðurinn við þessar breytingar á Stjórnarráði Íslands?“
En fékk í raun ekkert svar.
