ALÞINGI „Það er mjög sérkennilegt að heyra að háttvirtur þingmaður skuli tala svona til einnar stéttar, bænda sérstaklega, að ekki megi vera í viðræðum um kaup þeirra og kjör og starfsaðstöðu á sömu forsendum og gagnvart öðrum stéttum. Hann kastar fram einhverjum vitleysisfullyrðingum,“ sagði Sigmundur Davíð Gunnlaugsson forsætisráðherra við Helga Hjörvar á Alþingi í gær.
Ráðherra bætti við: „Nú þegar háttvirtur þingmaður er orðinn formannsframbjóðandi hvet ég hann til þess að gæta hófs í málflutningi, tala af skynsemi og tala vel til bænda vegna þess að bændureru…“
Lengra komst ráðherrann ekki með þetta vegna viðbragðra þingmanna í þingsal.
Ráðherra talaði beint til fleiri þigmanna: „Hvað get ég gert til að, ja, ég vil ekki gleðja háttvirtan þinngmann, Svandísi Svavarsdóttur meira, ekki megum við við því, en hvað get ég gert til þess að róa hana? Getum við haldið áfram? Jú. Ég gleðst alltaf þegar ég næ að gleðja háttvirtan þingmann Svandísi Svavarsdóttur. Það tekst stöku sinnum, en hvar vorum við? Já, formannaskólanum. Megininntakið er það, við getum rætt þetta hér frammi í mötuneyti síðar, að sem formannsframbjóðandi ætti háttvirtur þingmaður Helgi Hjörvar að temja sér að tala betur um allar stéttir, þar með talið og ekki hvað síst bændur.“
