„Bjarni var spurður hvort hann teldi sig enn njóta trausts sem formaður flokksins í ljósi mála eins og Panamaskjalanna, Vafningsmálsins og nærverunnar í Ásmundarsal á Þorláksmessu. Bjarna þótti þetta ótrúleg upptalning og sagðist ítrekað hafa gengist undir dóm kjósenda.“
Þetta er bein tilvitnun í frétt Ríkisútvarpsins. Það er rétt hjá Bjarna. Helst vegna þess sem vantar í upptalninguna. Svo sem skýrslur sem hann hefur falið, Samherjamálið og svo það nýjasta hvernig Flokkurinn kom fram þegar hann átti að svara um fjárfestingar útgerðarrisana í atvinnulífinu. Þar stóð flokkurinn að einn einu lygimálinu. Faldi fyrir Alþingi mjög merkilegar, en um leið óþægilegar upplýsingar. Auðvitað átti Bjarni við þetta allt þegar hann sagði upptalninguna ótrúlega. Það vantaði svo margt í hana. Bjarni er ekkert venjulegur.
-sme
